Нов трансфер во нашите редови
5 победи оваа сезона на ЖРК Овче Поле Славјански Универзитет! 
Ракометарките на Овче Поле Славјански Универзитет продолжуваат со одличните настапи во Првата женска ракометна лига, забележувајќи ја петтата победа во пет одиграни натпревари, со што се на врвот на табелата!Во рамки на 5. коло, нашиот тим оствари убедлива победа на гостувањето против ЖРК Јехона во Гостивар, со резултат 14:51 (4:27).
Најефикасни во нашиот состав беа Анастасија Сентовска и Јована Ангеловска, со по 10 постигнати погодоци.
Со оваа победа, Овче Поле СУ останува на првото место на табелата со максимални 10 бодови!
Честитки до ракометарките за одличниот почеток на сезоната! Ви посакуваме уште многу победи!
Продолжуваме победнички!
